Te Pōkairua Reo (Rumaki) Kaupae 6
Te Pōkairua Reo (Rumaki) | 120 ngā whiwhinga | Wā Ukiuki – Kotahi tau te roa
PŌKAIRUA TAUMATA 6
Ka kitea ngā whakamahuki anō mō te tukanga tono here.
Ka hāngai Te Reo Maruata ki te hunga e whai nei kia ngāwari, kia rerehua te whakatakoto i te whakaaro, i ōna tuhinga me ōna kōrero i te reo Māori. Ka tū ngā akomanga ki tō mātou whare ki Ōpanuku, ki tētahi wāhi rumaki. Ia wiki, ko ngā tūmahi rerekē, ko ngā mahi takitahi, ā-rōpū hoki; ko te kapa haka, ko ngā karakia, ko ngā kaikōrero motuhake me ētahi haerenga ka whakaurua ki ngā akomanga. Mā tō hono mai ki tēnei hōtaka, ka noho koe hei tuakana mō Te Wānanga Ihorangi, arā, ko tāu he manaaki, he tiaki i ngā teina.
- whakaaro me te whakaputa kōrero kia mārama, kia tūturu;
- te whakawhanake i ngā pūkenga whakamāori;
- whakaatu i ō rātou mōhio ki te wetereo;
- whakaputa i ā rātou ake rangahau;
- tuku karakia, karanga, whaikōrero hoki;
- hāpai i ngā mahi whakarauora reo, kia kōkiri whakamua au i ō rātou ake whānau, hapū, iwi, tae noa ki tō rātou hāhi.
| LEVEL | 6, 120 credits |
| DURATION | One year full-time (there is only one intake per year in Feb) |
| TIMETABLE |
9 Feb – 13 Nov, 2026 There are also two compulsory noho-marae for this programme (dates TBC) |
| HOLIDAYS | Our study breaks follow the school holidays |
| PLACES | Expressions of Interest open |
| LOCATION | Henderson Campus |
| CLASS TIMES |
Monday to Thursday, 9:00am – 3:00pm Friday – No classes (although one-on-one tutorials are available with your kaiako) |
| Topic 1: Ngā Āhuatanga o Te Reo 1 – Taumata 6 (Linguistic Elements) | 15 Credits |
| Topic 2: Ngā Āhuatanga o Te Reo 2 – Taumata 6 (Linguistic Elements) | 15 Credits |
| Topic 3: Ngā Poropiti Māori (Māori Prophets) | 15 Credits |
| Topic 4: Te Paipera ki Aotearoa (The Bible in Aotearoa) | 15 Credits |
| Topic 5: Whakamāori/Whakapākehā (Translations) | 15 Credits |
| Topic 6: Ngā Kōrero Whakarākei (Linguistic Embellishments) | 15 Credits |
| Topic 7: Rautaki Reo (Revitalisation strategies) | 15 Credits |
| Topic 8: Waiata/Haka (Māori Performing Arts) | 15 Credits |
To enrol in this programme, a potential student must:
- be at least 16 years of age
- be a New Zealand citizen (or a citizen of Australia, Tokelau, Niue, or the Cook Islands) or a permanent resident
- reside in New Zealand
- angitu i tana whai i tētahi tohu reo Māori i te Kaupae 4;
- meet with a kaiako to discuss course workload and commitment
OR
- successfully complete the pre-entry assessment
- meet with a kaiako to discuss course workload and commitment
Ka pēhea taku mōhio ki te tika o te Kaupae 6 mōku?
I roto i ā mātou hōtaka katoa, e 93% o ā mātou ākonga ka eke ki te taumata e tika ana. Ko te nuinga o te hunga i hinga ai i te uauatanga, i tūpono ki ngā raru ohorere o te whānau, i tīmata rānei ki te hōtaka me te kore i whakaū i te tūāpapa o te reo e māia ai tā rātou kuhu ki te ako.
Mō te Kaupae 6, he mea nui te tangata whenuatia o tō mōhio ki te reo Māori. Me māmā tō noho ki te whakarongo, ki te kōrero, ki te pānui, ki te tuhi anō hoki i tētahi taumata māhuri, i te mea ka whakawhanaketia te reo i taua tūāpapa. Mēnā kua tutuki i a koe tētahi tohu i te Kaupae 5, mēnā rānei ka whakakitea e koe tō mōhio i taua taumata, kua eke koe ki te taumata e angitu ai koe ( tirohia ngā paearu whakauru mō ngā whakamahuki anō).
Ka whakaaetia katoatia ngā kaitono?
Kāo. He iti noa nō ngā tūranga e wātea ana, he aro hoki nā mātou ki te āta tautoko i ngā ākonga e kore ai e āhei te whakaae atu ki ngā kaitono katoa. Ka āta whai whakaaro mātou ki tēnā, ki tēnā o ngā tono e mōhio ai mātou mēnā rānei e tika ana te urunga mai – ko tā mātou he whakarite ara e angitu ai koe.
Ka pēhea taku whakarite e pai ai te uiuitia ōku?
Ko tāu Tono o te Hiahia te ara tuatahi hei whakamōhio mai i a koe. Āta whakaritea āu kōrero ki a mātou, kia mārama, kia whai whakaaro, kia pono hoki. Mā tēnei e mārama ai mātou ki tō haerenga, ki ngā āhuatanga e tō nei i tō ngākau ki te wānanga, ki te āhua anō hoki o tā mātou tautoko i tāu ako.
Te Wānanga Ihorangi is working in partnership with Te Wānanga Amorangi (Laidlaw College) to deliver these programmes. Both Diplomas in Te Reo Māori are held and administered through Te Wānanga Amorangi, and our students will be formally enrolled at both institutions.
Students will experience a distinctive Māori-led kaupapa in Te Wānanga Ihorangi’s immersive learning community and campus. However, one of the great benefits of the partnership is that our students will also have access to the support and systems of Te Wānanga Amorangi as well. Te Wānanga Amorangi is Aotearoa New Zealand’s largest Christian tertiary college, it is a Category 1 Private Training Establishment, and teaches programmes from Certificate to Doctoral level.
More information can be found on them here, and more details about our partnership can be read in our faqs here.
Pōhewatia te anamata
Kāore ōku toto Māori, ka taea tonu au te tuku tono?
Āe marika. Hiamo katoa ana mātou ki tētahi anamata e kitea ai te arohatia, te kōrerotia me te ngākau manawareka o ngā hapori whānui ki te reo Māori. Kei te mārama hoki te wāhi ki ngā whānau Pākehā hei tautoko mai i te ora o te reo Māori i ngā kāinga. Heoi, kia mōhio mai koe, ko te whakamatuatanga o ā mātou hōtaka he tautoko i ngā tāngata whenua ki te whakaora anō i te reo Māori. Mā ngā akoranga me ngā tikanga ako e ruku ai tātou ki ngā mātauranga me ngā tirohanga Māori.
He kaupapa Karaitiana tēnei?
Ka noho tō mātou whakapono hei tūāpapa mō ngā āhuatanga katoa o Te Wānanga Ihorangi. He rite ki ngā marae e hono ana ki te hāhi Mihinare, ki te Katorika, ki te Ringatū rānei; he mea whawhao tēnei mea te whakapono ki ō mātou wairua me ā mātou mahi. Heoi anō, he tohu reo Māori tonu ā mātou hōtaka, me te aha, e tuwhera ana ki te hunga pīkoko ki te kairangi o te reo. Mēnā he pātai āu, tēnā, whakapā mai.
Nā te aha koe i tūhono mai ai ki Te Wānanga Amorangi (Laidlaw College)?
I ngā wā hiahia ai he wāhi mahi hou ki te kōkiri i ētahi hōtaka kua whakamanatia e Te Mana Tohu Mātauranga, me tū rawa hei wānanga tūmataiti i te tuatahi. He tukanga roa, he ahunga roa tēnei huarahi, me te aha, he kawenga whakapau wā, rauemi hoki. I te mea kāore Te Wānanga Ihorangi i te hiahia whai kia tū hei wānanga tūmaiti, kua hono kōtui mātou ki Te Wānanga Amorangi (e tū kē ana hei wānanga tūmataiti) kia āwhina mai ki te hanga me te whakaako hoki i ngā tohu. Ko rātou te mana whakahaere, heoi, ko tā mātou he kawe i te taha whakaako i ngā hōtaka.
Manaakinui Te Kahu (Ngāti Kahungunu, Ngāti Paoa, Ngāpuhi),
Te Reo Maruata Level 6 Diploma Graduate
Tono o te Hiahia
Ka kitea ngā whakamahuki anō mō te tukanga tono here.
Mēnā e tono ana koe i te taumata tuaono (DipTRMāori L6), tuhia ō whakaaro ki te reo Māori.
If you are applying for Level 6 (DipTRMāori L6), write your answers in te reo Māori.
Please fill out the below questions to the best of your ability.